"Roma" yanvarda APL top-klubi hujumchisini o'z safiga qo'shib olishni rejalashtirmoqda

 17 NOYABR, 2025, 16:30

Italiyaning "Roma" klubi yanvar oyida Angliya Premer-ligasi top-klubi hujumchisini o'z safiga qo'shib olishni rejalashtirmoqda.

Mahalliy La Gazzetta dello Sport nashri manbalarining ma'lum qilishicha, "jalorossilar" rahbariyati "Manchester Yunayted" bilan Joshua Zirkzeeni 2025/26 yilgi mavsum oxirigacha ijaraga olish bo'yicha muzokaralar olib bormoqda. Shu tariqa, Artyom Dovbik o'ynaydigan hujumchi pozitsiyasida asosiy tarkib uchun raqobat kuchayadi.

Qayd etilishicha, tomonlar futbolchini 35 mln evroga sotib olish imkoniyatini nazarda tutuvchi bitim ustida faol ishlamoqda.

Bu mavsumda 24 yoshli niderlandiyalik "MYu" safida barcha musobaqalarda 5ta o'yinda maydonga tushib, gol ura olmadi.