Gantsko: "Germaniya bilan butunlay boshqacha o'yinni kutmoqdamiz"

 17 NOYABR, 2025, 15:18

Slovakiya terma jamoasi himoyachisi David Gantsko JCh-2026 saralashidan o'rin olgan Germaniyaga qarshi o'yindan nimalar kutayotgani va bu uchrashuv jamoalarning Bratislavadagi avvalgi o'yinidan farq qilishini aytib o'tdi.

Gantskoning so'zlariga ko'ra, birinchi o'yindagi g'alaba slovakiyaliklarga ishonch qo'shgan, biroq endi bosim maydon egalariga bo'ladi.

"Biz Bratislavadagidan butunlay boshqacha o'yinni kutmoqdamiz. O'sha g'alaba bizga ishonch bag'ishladi - endi butun bosim nemis jamoasida bo'ladi. Juma kuni Shimoliy Irlandiyani mag'lub etsak, keyingi o'yin biz uchun hal qiluvchi o'yin bo'lishini bilardik", - dedi himoyachi.