"Barselona" 19 yoshli iqtidorli hujumkor yarim himoyachini ko'z ostiga olib qo'ydi

 17 NOYABR, 2025, 13:00

"Kyoln" klubi hujumkor yarim himoyachisi Said El-Mala Germaniyani Ispaniyaga almashtirishi mumkin. Sport.es jurnalistlari xabariga ko'ra, 19 yoshli germaniyalik vinger xizmatiga Kataloniyaning "Barselona" klubi qiziqish bildirmoqda.

"Ko'k-anorranglilar" rahbariyati 2025/2026 yilgi mavsum yakunida istiqbolli futbolchi bilan shartnoma imzolash variantini ko'rib chiqmoqda. Saidning transfer narxi 18 million evroga baholanmoqda. Shu bilan birga, "echkilar" uni sotishdan kamida 30 million daromad olish niyatida.

Germaniya Bundesligasining joriy mavsumida El-Mala o'nta o'yin o'tkazdi. Yarim himoyachi o'z hisobiga to'rtta gol va bitta golli uzatmani yozdirib qo'ydi.