48 o'yinda 55 ta gol: Xoland Norvegiya terma jamoasi safida har 71 daqiqada gol urmoqda

 17 NOYABR, 2025, 09:18

Erling Xoland Norvegiya terma jamoasi safidagi o'yinlarda fenomenal statistikasini yana bir bor yaxshiladi.

Yakshanba kuni "Manchester Siti" forvardi Italiyaga qarshi kechgan bahsda 78 va 80-daqiqalarda dubl qayd etdi. Uchrashuv norvegiyaliklarning yirik g'alabasi bilan yakunlandi - 4:1. Xoland 2019 yil sentyabr oyida debyut qilganidan beri milliy terma jamoa safida 48 o'yinda 55 ta gol urgan. Yulduz hujumchi o'rtacha har 71 daqiqada gol uradi.

Eslatib o'tamiz, Erling Xolandning Norvegiya terma jamoasi safidagi 55 ta golidan faqat 6 tasi penaltidan kiritilgan.