Turkiya etakchisi Ispaniyaga qarshi o'yindan oldin tarkibdan chetlatildi

 16 NOYABR, 2025, 21:30

Turkiya terma jamoasi markaziy yarim himoyachisi Hoqon Chalxono'g'li 2026 yilgi jahon chempionati saralashining so'nggi turida Ispaniyaga qarshi maydonga tushmaydi. O'yin 18 noyabr, seshanba kuni bo'lib o'tadi.

Turkiya terma jamoasi matbuot xizmatining X ijtimoiy tarmog'ida ma'lum qilishicha, Chalxano'g'li jarohati tufayli Ispaniyaga qarshi o'yin uchun tarkibdan chetlatilgan. Qayd etilishicha, o'tgan turda Bolgariyaga qarshi o'yinda (2:0) yarim himoyachi bilagidan jarohat olgan.

Saralash bosqichi tugashiga bir tur qolganida Turkiya «E» guruhida ikkinchi o'rinni egallab turibdi. Ispaniya 15 ochko bilan 1-o'rinda bormoqda.