Portugaliya terma jamoasi Armanistonni tor-mor keltirib, jahon chempionatiga yo'l oldi

 16 NOYABR, 2025, 21:12

Portugaliya terma jamoasi JCh-2026 saralashi guruh bosqichi so'nggi turida Armaniston ustidan yirik hisobda g'alaba qozondi - 9:1. O'yin Portudagi "Dragau" stadionida bo'lib o'tdi.

Mezbonlar safida Joau Nevesh va Brunu Fernandesh 3tadan gol urdi. Shuningdek, portugaliyaliklardan Renatu Veyga, Gonsalu Ramush va Fransishku Konseysau o'z hisobiga gol yozdirib qo'ydi.

Mehmonlarning yagona goliga "Krasnodar" yarim himoyachisi Eduard Spertsyan mualliflik qildi.

Portugaliya 13 ochko jamg'arib, F guruhida 1-o'rinni egallab, 2026 yilgi jahon chempionatiga yo'l oldi.