"Bavariya" yanvarda himoyachisi bilan xayrlashishga tayyor

 16 NOYABR, 2025, 09:00

"Bavariya"ning o'ng qanot himoyachisi Sasha Boe qishki transferlar davrida jamoani tark etishi mumkin.

Myunxen grandi rahbariyati frantsuzni sotuvga qo'yishga tayyor, deb xabar bermoqda jurnalist Ekrem Konur. 25 yoshli futbolchiga "Yuventus", "Monako", "Lion", "Vest Xem", "Kristal Pelas", "Sevilya" va "Galatasaroy" klublari qiziqish bildirmoqda. Futbolchining o'zi APL, La Liga va Liga 1ga o'tish variantlarini ma'qul ko'rmoqda.

Sasha Boe joriy mavsum Vensan Kompani jamoasining 14 o'yinida maydonga tushib, 1 ta golli uzatmani amalga oshirdi. Transfermarkt portali lateralning narxini 18 mln evroga baholamoqda, uning shartnomasi 2028 yilning yozigacha mo'ljallangan.