Ferran Torres: "Moratadan so'ramasdan ettinchi raqamni ololmadim"

 16 NOYABR, 2025, 08:42

"Barselona" hujumchisi Ferran Torres Alvaro Moratadan Ispaniya terma jamoasidagi ettinchi raqamni oldi.

"Komo"ning 33 yoshli hujumchisi noyabr oyidagi o'yinlar uchun Ispaniya terma jamoasiga chaqirilmadi - uning raqami Torresga nasib etdi.

"David Vilya, Raul, Morata kabi afsonalar bu raqamda harakat qilishgan. Endi bu raqamni men kiyib yuribman, bu meni g'ururlantiradi. Bu mas'uliyatni oqlamoqchiman.

Morata men uchun alohida inson, u terma jamoada menga ko'p yordam bergan. Albatta, undan so'ramasdan ettinchi raqamni ololmasdim. U hech qanday muammo yo'qligini aytdi va aynan men bu raqamni olganimdan xursand bo'ldi," - dedi Ferran intervyuda.