Lukaku dekabr oyi boshidayoq maydonga qaytishi mumkin

 16 NOYABR, 2025, 05:48

Belgiyalik hujumchi Romelu Lukakuning jarohatidan tiklanishi kutilganidan yaxshiroq ketmoqda. Antonio Konte u dekabr oyining ikkinchi yarmida, ayni Italiya Superkubogida ishtirok etish uchun kerak bo'ladigan vaqtda maydonga qaytishi mumkinligini kutgandi.

Ammo Neapol klubi lazaretidan olingan so'nggi xabarlarga ko'ra, bu biroz tezroq - dekabr oyining birinchi kunlarida sodir bo'lishi mumkin. Bu so'nggi paytlarda "Napoli" duch kelayotgan muammolar fonida ayni muddao bo'ladi.

Eslatib o'tamiz, Lukaku mavsum boshlanishidan oldin "Olimpiakos"ga qarshi o'rtoqlik o'yinida jarohat olgan edi.