"Barsa" himoyachisi o'z sport formasidan norozi
15 NOYABR, 2025, 18:06
"Barselona" klubi va Daniya terma jamoasi markaziy himoyachisi Andreas Kristensen o'zining jismoniy holatiga baho berdi.
"O'tgan mavsumgacha jismoniy tayyorgarlik bo'yicha menda deyarli savollar bo'lmagan. Lekin o'shandan beri muammolar ko'payib ketdi. Bu g'ashimga tegadi, lekin men bunga ko'nikishim kerak," - dedi daniyalik futbolchi jurnalistlar bilan suhbatda.
Kristensen 2022 yildan buyon kataloniyaliklar sharafini himoya qilib kelmoqda. Joriy mavsumda 29 yoshli himoyachi 10 ta o'yinda maydonga tushdi. Kristensenning "Barselona" bilan amaldagi mehnat shartnomasi 2026 yilning yozigacha mo'ljallangan.
