Arteta «Arsenal» bilan yangi shartnoma imzolaydimi?

 14 NOYABR, 2025, 11:42

Londonning "Arsenal" klubi bosh murabbiyi Mikel Artetaning amaldagi shartnomasi 1,5 yildan so'ng o'z nihoyasiga etadi.

Hozircha yangi kelishuv bo'yicha muzokaralar olib borilmayapti, biroq "kanonirlar" rahbariyati mutlaqo xotirjam. TEAMtalk xabariga ko'ra, ispaniyalik mutaxassis yaqin kelajakda klubni tark etish haqida o'ylamayapti ham, shu bois u bilan kelishib olish qiyin bo'lmasligi kutilmoqda.

Mikel Arteta 2019 yil oxiridan buyon "Arsenal" boshqaruvida ishlab kelmoqda. Ayni paytda jamoa Premer-liga turnir jadvalida 26 ochko bilan peshqadamlik qilmoqda va undan keyingi o'rinda borayotgan "Manchester Siti"ni 4 ochkoga ortda qoldirmoqda.