Vinisius "Real" prezidentiga ultimatum qo'ydi: Yo men, yo Xabi Alonso

 14 NOYABR, 2025, 05:48

"Real"ning yulduz forvardi Vinisius Junior o'zini o'ziga xos futbolchi deb hisoblaydi. Matbuotga ishonadigan bo'lsak, braziliyalik futbolchi Madrid klubi prezidenti Florentino Peresga ultimatum qo'ygan.

Defensa Central nashrining bloger Peppe Kollinsga tayanib xabar berishicha, Vinisius shaxsiy suhbatda Peresga Xabi Alonso murabbiylikdan ketgan taqdirdagina klub bilan shartnomani uzaytirishini aytgan.

Avvalroq Vinisius o'zini etarlicha baholanmagan deb hisoblashi haqida ma'lumotlar paydo bo'lgan edi.

Amaldagi shartnoma Vinisiusni "Real" bilan 2027 yilning yarmigacha bog'lab turadi.