JCh-2026 saralashi. Afrika: Nigeriya o'tish o'yini yarim finalida Gabonni yirik hisobda mag'lub etdi

 14 NOYABR, 2025, 00:12

Nigeriya terma jamoasi 2026 yilgi Jahon chempionati Afrika mintaqasi saralash bosqichining yarim final o'tish o'yinida Gabon ustidan g'alaba qozondi. O'yin Rabotda (Marokash) bo'lib o'tdi.

Asosiy vaqtda jamoalar bittadan gol urdi - 1:1. Nigeriyaliklar safida 78-daqiqada Akor Adams hisobni ochdi. Gabonliklar esa 11 daqiqadan so'ng Mario Lemina orqali muvozanatni tikladi.

Qo'shimcha vaqtda Nigeriya yana uch marta raqib darvozasini ishg'ol qildi - 4:1. Gollarni Chidera Edjuke va Viktor Osimxen (ikki marta) kiritdi.

Nigeriya pley-off finaliga chiqdi va 2026 yilgi Jahon chempionatiga yo'llanma uchun Kamerun - Kongo Demokratik Respublikasi o'yini g'olibi bilan bellashadi.

JCh-2026 saralashi. Afrika. 2-raund
13 noyabr 2025 yil, payshanba. 21:00
Nigeriya - Gabon - 4:0
Gollar: A. Adams - 78 (1:0), M. Lemina - 89 (1:1), Ch. Edjuke - 97 (2:1), V. Osimxen - 102 (3:1), V. Osimxen - 110 (4:1).