Angliyaning mashhur klubi Jezusni sotib olmoqchi

 13 NOYABR, 2025, 21:24

Liverpul shahrining "Everton" klubi Londonning "Arsenal" jamoasi forvardi Gabriel Jezusga qiziqish bildirmoqda. Bu haqda Sky Sports yozmoqda. To'g'ri, manbaga ko'ra, braziliyalik futbolchi hali ham "kanonirlar" bosh murabbiyi Mikel Arteta rejalarining muhim qismi sifatida ko'rilmoqda.

Eslatib o'tamiz, Jezus tizzasining xochsimon paylaridan olgan og'ir jarohatidan endigina sog'aygan edi. U so'nggi marta 2025 yilning qishida maydonga tushgan. Jezus joriy mavsumda hali rasmiy o'yin o'tkazgani yo'q.

U 2022 yil yozidan beri "Arsenal"da o'ynamoqda. Uning "kanonirlar" bilan shartnomasi 2027 yilning yozigacha amal qiladi.