"Bavariya" yulduzi Germaniya terma jamoasida jarohat oldi

 13 NOYABR, 2025, 17:24

Germaniya terma jamoasi muhim futbolchisini yo'qotganini ma'lum qildi. Chorshanba kungi mashg'ulotlarda himoyachi/yarim himoyachi Yozua Kimmix jarohat oldi. 30 yoshli futbolchining o'ng oyoq to'pig'i bo'g'imida kapsula shikastlanishi aniqlangan.

Qayd etilishicha, Kimmix Lyuksemburgga qarshi o'yinda maydonga tusha olmaydi, ammo jamoa bilan o'yinga boradi.

Jahon chempionati - 2026 saralashi doirasida Lyuksemburg va Germaniya terma jamoalari o'rtasidagi o'yin 14 noyabr, juma kuni bo'lib o'tadi.