Shvetsiya terma jamoasining sobiq ustozi Angliyada ish boshlashi mumkin

 13 NOYABR, 2025, 16:24

Shvetsiya terma jamoasining sobiq ustozi Yon Dal Tomasson yangi ish topishga yaqin turibdi. Bu haqda Daily Telegraph xabar bermoqda.

Tomasson 14 oktyabr kuni avvalgi ish joyidan ishdan bo'shatilgan. Uning shogirdlari jahon chempionati saralashini muvaffaqiyatsiz boshladi va 4 o'yinda 1 ochko jamg'ardi.

Manbaga ko'ra, ushbu mutaxassis seshanba kuni "Norvich" rahbariyati bilan suhbatlashgan. Klub Chempionshipda o'ynamoqda va u erda omon qolish uchun kurashmoqda. Jamoa rahbariyati Dal Tomasson bilan bir qatorda boshqa variantlarni ham ko'rib chiqmoqda.

Dal Tomasson allaqachon Angliyada ishlagan va 2022-2024 yillarda "Blekbern"ni boshqargan.