"Real" Upamekano agentlari bilan aloqa o'rnatdi

 13 NOYABR, 2025, 12:54

Madridning "Real" klubi "Bavariya" himoyachisi Dayo Upamekanoning agentlariga murojaat qildi. Bu haqda jurnalist Jorj Pikon ma'lum qildi.

Manbaga ko'ra, "qaymoqranglilar" himoyachi vakillariga agar u "Bavariya" bilan mehnat shartnomasini uzaytirmasa, klub uni o'z safiga qo'shib olishga harakat qilishi haqida aniq signal yuborishgan. Upamekanoning myunxenliklar bilan shartnomasi kelasi yozda o'z nihoyasiga etadi.

Joriy mavsumda 27 yoshli frantsiyalik futbolchi barcha musobaqalarda 15ta o'yinda maydonga tushib, 4ta sariq kartochka oldi. Transfermarkt portali ma'lumotlariga ko'ra, futbolchining bozor narxi 60 million evroni tashkil etadi.