"Arsenal" himoyachisi jarohat sabab Italiya terma jamoasining ilk o'yinini o'tkazib yuboradi

 12 NOYABR, 2025, 23:12

"Arsenal" himoyachisi Italiya terma jamoasining ilk o'yinini o'tkazib yuborishi kutilmoqda.

Jurnalist Rayan Teylorning xabar berishicha, Rikardo Kalafori sonidagi muammolar tufayli Moldova terma jamoasiga qarshi o'yinni o'tkazib yuboradi.

Qayd etilishicha, futbolchi individual tarzda shug'ullangan va yakshanba kuni bo'lib o'tadigan Norvegiyaga qarshi «I» guruhning hal qiluvchi o'yiniga qadar tiklanishga e'tibor qaratgan.

Eslatib o'tamiz, o'yindan oldin Italiya 15 ochko bilan «I» guruhida 2-o'rinni egallab turibdi. Moldova bir ball to'plagan holda oxirgi o'rinda.

O'yin 13 noyabrdan 14 noyabrga o'tar kechasi Toshkent vaqti bilan 00:45da boshlanadi.