"Arsenal"ning 19 yoshli iste'dodini APLning to'rtta klubi kuzatib bormoqda

 12 NOYABR, 2025, 13:36

Londonning "Arsenal" klubi qanot himoyachisi Maylz Lyuis-Skelli Angliya Premer-ligasi klublari e'tiborida. Bu haqda jurnalist Mark Brus ma'lum qildi.

Manbaga ko'ra, joriy mavsum chempionatida "Arsenal"ning asosiy tarkibiga kira olmayotgan 19 yoshli futbolchining holatini APLning birdaniga to'rtta vakili kuzatib bormoqda. Ammo hozircha Lyuis-Skellining yanvarda ketish ehtimoli yo'qligi aytilmoqda.

Joriy mavsumda himoyachi barcha musobaqalarni inobatga olgan holda 12 ta o'yinda maydonga tushdi va 3 ta golli uzatmani amalga oshirdi.