Eberl 39 yoshli Noyerning jamoa muvaffaqiyatlariga qo'shgan hissasini e'tirof etdi
12 NOYABR, 2025, 12:30
"Bavariya" darvozaboni Manuel Noyer jamoaning muhim a'zosi bo'lib qolmoqda. Myunxenliklar mavsum startida ketma-ket 16 g'alabadan iborat seriya qayd etishdi.
"Noyer - ajoyib sardor, u jamoaga katta yordam beradi. Manuel so'nggi bir necha oy ichida bizning rivojlanish jarayonimizda muhim rol o'ynadi. U "Bavariya"ning hozirgi muvaffaqiyatlariga jiddiy hissa qo'shdi", - deya Myunxen grandining sport bo'limi rahbari Maks Eberlning so'zlarini keltiradi Sport Bild.
Noyer joriy mavsumda 14 ta bahsda 10 ta gol o'tkazib yubordi, shuningdek, 6 marta darvozasi daxlsizligini saqlab qoldi.
