Samarqand viloyati hokimi «Dinamo»ning bu yilgi natijalarini e'tirof etdi

 12 NOYABR, 2025, 12:24

Bugun, 12 noyabr kuni, ayni paytda viloyat hokimligida Xalq deputatlari Samarqand viloyati Kengashining ettinchi chaqiriq, yigirmanchi sessiyasi bo'lib o'tmoqda.

Unda Samarqand viloyati hokimi vazifasini bajaruvchi Adiz Boboevning joriy yilda Samarqand viloyatini kompleks ijtimoiy-iqtisodiy rivojlantirish yuzasidan amalga oshirilayotgan ishlar to'g'risidagi hisoboti eshitilmoqda.

Sessiyada viloyat hokimi, viloyat futbol assotsiatsiyasi prezidenti Adiz Boboev Samarqand viloyatida bu yil turli sohalarda erishilgan yutuqlar sarhisobini keltirib, «Dinamo» PFK jamoasi 2025 yilda yaxshi natijalar qayd etib, Samarqand ahlini xursand qilayotganini alohida e'tirof etdi.

«Dinamo» PFK 2025 yilgi mavsumning qolgan muhim o'yinlarida ham muxlislarni xursand qilib, o'z tarixini yangilab qariyb 4,5 million aholiga ega Samarqand viloyati sharafini munosib himoya qilishni maqsad qilgan.