Kanselu Evropaga qaytmoqchi
12 NOYABR, 2025, 12:12
"Al-Hilol" klubi qanot himoyachisi Joau Kanselu kelajakda yana Evropada o'ynash niyati borligini tan oldi.
Portugaliyalik futbolchi 2024 yilning yozida "Manchester Siti"dan Saudiya Arabistoniga ko'chib o'tgandi.
"Albatta, yana Evropada o'ynashni orzu qilaman. "Al-Hilol" bilan yana bir yillik shartnomam bor, ammo men har doim yangi sarguzashtlar uchun ochiqman," - deya 31 yoshli futbolchining so'zlarini keltiradi The Touchline.
Joau Kanseluning transfermarkt portalidagi narxi 15 mln evroga baholanmoqda.
