"Liverpul" "Real"ning rejasini buzishga bor kuchi bilan harakat qilmoqda

 12 NOYABR, 2025, 08:00

Himoyachi Ibraima Konate kelasi yozda "Real"ga erkin agent sifatida ketishi mumkinligi aytilmoqda. Frantsuzning allaqachon Madrid superklubi bilan kelishuvi borligi haqida xabarlar tarqaldi.

"Liverpul" esa bunday shov-shuvli transfer barbod bo'lishiga umid qilmoqda. Transfer News Live nashri xabar berishicha, mersisaydliklar Konatega shartnomani uzaytirish bo'yicha uchinchi marta taklif bilan chiqqan.

"Liverpul" rahbariyatida klub 26 yoshli Konateni yangi shartnoma imzolashga ko'ndira olishiga ishonch bor.

Ibraima "qizillar" safida 148 ta o'yinda maydonga tushib, 6 ta gol urgan va 4 ta golli uzatmani amalga oshirgan.