Kundeda jarohat bo'lishi mumkin

 12 NOYABR, 2025, 07:48

"Barselona" o'ng qanot himoyachisi Jyul Kunde Frantsiya terma jamoasi mashg'ulotlarida ishtirok etmayapti.

L'Equipe nashri xabariga ko'ra, 27 yoshli futbolchida kichik jarohat bo'lishi mumkin. U noqulayliklar sabab "Barselona"ning "Selta"ga qarshi so'nggi o'yinini ham o'tkazib yuborgan edi.

Kunde bu mavsumda umumiy 15 ta o'yinda 1 ta gol urib, 1 ta assist berdi.