"Nyukasl" himoyachisi faoliyatini TOP-5'dan tashqarida davom ettirishi mumkin

 11 NOYABR, 2025, 17:54

"Nyukasl Yunayted" va Shvetsiya terma jamoasi himoyachisi Emil Kraftga "Kopengagen" qiziqish bildirmoqda. Bu haqda Shields Gazette xabar bermoqda.

Daniyaliklar shvetsiyalik futbolchini yanvar oyida o'z safiga qo'shib olishga urinib ko'radi. Futbolchining "qarg'alar" bilan amaldagi mehnat shartnomasi 2026 yilning yozigacha mo'ljallangan. Kraft joriy mavsum "Nyukasl Yunayted" safida atigi bir marta asosiy tarkibda maydonga tushdi.

Emil Kraft 2019 yildan beri "Nyukasl Yunayted"da o'ynab kelmoqda, shu vaqtgacha u "qarg'alar" safida 106 ta o'yinda maydonga tushib, bitta gol urgan va uchta golli uzatmani amalga oshirgan.