Peti: "U Messidan o'zib ketishi mumkin"

 11 NOYABR, 2025, 15:12

"Barselona"ning sobiq yarimhimoyachisi Emanuel Peti hozirda yosh iste'dodlardan qaysi biri uni ko'proq hayratga solayotganini aytdi.

"Menimcha, Lamin Yamal Lionel Messini ortda qoldira oladi. Unda alohida motivatsiya bo'ladi, chunki u "Barselona"da 10-raqamda o'ynaydi va 18 yoshidayoq "Oltin to'p"ni qo'lga kiritishga intilmoqda. U juda yosh bo'lishiga qaramay, maydonda ancha etuk o'yin namoyish etmoqda, go'yoki u 28 yoshda", dedi Peti.

Joriy mavsumda Lamin Yamal "Barselona" safida barcha musobaqalarda 11 ta o'yinda 6 ta gol urdi va 6 ta golli uzatmani amalga oshirdi.