ATP Finals. Teylor Fric mezbon tennischini taslim etdi

 11 NOYABR, 2025, 10:00

Italiyaning Turin shahrida tennis bo'yicha yilning Yakuniy ATP turniri davom etmoqda.

Dunyoning oltinchi raketkasi amerikalik Teylor Fric ATP reytingida 9-o'rinni egallab turgan italiyalik Lorenco Muzettini 6/3, 6/4 hisobida mag'lubiyatga uchratdi. Bu bilan Fric tennischilarning o'zaro uchrashuvlaridagi hisob muvozanatini ham tiklab qo'ydi - 3:3.  

Bir yuz uch daqiqa davom etgan bahsda Fric 13, Muzetti 5 ta eys zarbasini amalga oshirgan. Qo'shxatolar bo'yicha mutlaq "ustunlik" mezbon raketka ustasida bo'ldi - 5 ga 0. Breyklar bo'yicha esa tabiiyki, Teylor ustunlik qildi - 2 ga 0. 

Jimmi Konnors guruhida 1-turdan so'ng Fric peshqadamga aylanib oldi. Dunyoning birinchi raketkasi Karlos Alkaras hisobida ham g'alaba bor va u yutib olingan geymlar foiziga ko'ra ikkinchi o'rindan joy olgan. 

Manba: olamsport.com