"Real" Tibo Kurtuaning jarohati bo'yicha ma'lumot berdi

 10 NOYABR, 2025, 18:24

Madridning “Real” klubi darvozaboni Tibo Kurtua jarohat tufayli taxminan ikki hafta maydondan chetda qoladi. Bu haqda klubning rasmiy sayti xabar berdi.

Tibbiy tekshiruvlar natijasida belgiyalik posbonda chap oyoqdagi ichki son (adduktor) mushagining jarohati aniqlangan.

Jurnalist Melchor Ruisning ma'lumot berishicha, Kurtua to'liq tiklanishi uchun taxminan 15 kun vaqt talab etiladi.

Shu sababli u Belgiya terma jamoasining Qozog'iston va Lixtenshteynga qarshi bahslarini o'tkazib yuboradi.

Darvozabonning 23 noyabr kuni “Elche”ga qarshi La Liga uchrashuviga tayyor bo'lishi kutilmoqda.