"Real" Alonso davrida birinchi marta ketma-ket ikki o'yinda g'alaba qozona olmadi

 10 NOYABR, 2025, 09:18

Madridning "Real" klubi Xabi Alonso qo'l ostida ilk bor ketma-ket ikkita o'yinda g'alabaga erisha olmadi.

9 noyabr kuni "qaymoqranglilar" Ispaniya La Ligasining 12-turidan o'rin olgan Madrid derbisida "Rayo Valekano"ga (0:0) qarshi bahs olib bordi. Avvalroq "Real" Chempionlar Ligasi doirasida "Liverpul"ga qarshi safar o'yinida mag'lubiyatga uchragandi (0:1).

"Real" 31 ochko bilan Ispaniya Primerasi turnir jadvalida peshqadamlikni davom ettirmoqda. Madridliklarning navbatdagi o'yini 23 noyabr kuni Ispaniya chempionati 13-turi doirasida "Elche" mehmoni bo'ladi.