"Juda qoyil qoldim": Gvardiola "Liverpul" futbolchisini maqtadi
10 NOYABR, 2025, 08:30
"Manchester Siti" bosh murabbiyi Xosep Gvardiola "Liverpul"ning o'ng qanot himoyachisi Konor Bredli haqida iliq fikrlar bildirdi.
22 yoshli shimoliy irlandiyalik futbolchi "shaharliklar"ga qarshi bahsda "qizillar" safida asosiy tarkibda maydonga tushdi.
"Men haqiqatan ham "Liverpul"ning o'ng qanot himoyasida o'ynayotgan Bredliga qoyil qoldim. Pep Leynders u haqda menga mingta maqtov so'zlarini aytdi. Biz bilan o'yindan oldin Bredli Vinisiusga qarshi ajoyib o'yin ko'rsatganini bilaman," - dedi Gvardiola jurnalistlar bilan suhbatda.
"Liverpul" bilan uchrashuv ispaniyalik murabbiy uchun murabbiylik faoliyatidagi 1000-o'yin bo'ldi.
