Jag'ini sindirib olgan Frantsiya terma jamoasi hujumchisi noyabr oyidagi o'yinlarda ishtirok etmaydi

 10 NOYABR, 2025, 03:48

Randal Kolo-Muani jarohati sabab Frantsiya terma jamoasining noyabr oyidagi o'yinlarini o'tkazib yuboradi.

"Tottenxem" hujumchisi APL 11-turidan o'rin olgan "Manchester Yunayted"ga (2:2) qarshi o'yinda jag'ini sindirib oldi. U uchrashuv tanaffusida almashtirildi.

Kolo-Muani o'rniga Frantsiya terma jamoasiga "Lans" yarim himoyachisi Florian Toven chaqirildi.

Noyabr oyida Frantsiya JCh-2026 saralashida Ukraina va Ozarbayjon bilan o'ynaydi. O'yinlar mos ravishda 13 va 16 noyabr kunlari bo'lib o'tadi.