"Real" himoyachisi jarohatidan tuzaldi

 9 NOYABR, 2025, 18:06

Himoyachi David Alaba "Real"ning umumiy guruhida mashg'ulotlarni qayta boshladi. Avstriyalik futbolchi yakshanba kuni "Rayo Valekano"ga qarshi bo'lib o'tadigan derbida madridliklar qaydnomasidan o'rin olgan. Bu haqda AS xabar bermoqda.

Alaba jarohati tufayli "Real"ning so'nggi to'rtta o'yinini o'tkazib yubordi. Muammo ortda qoldi - juma kuni 33 yoshli futbolchi jamoaviy mashg'ulotlarda ishtirok etdi. O'yinchining tiklanish jarayoni "juda ijobiy" deb baholanadi.

La Liga 12-turidan o'rin olgan "Rayo Valekano" - "Real" uchrashuvi 9 noyabr kuni Toshkent vaqti bilan 20:15da boshlanadi.