"Paxtakor" U-21 ligasida 11-bor chempionga aylandi!

 9 NOYABR, 2025, 17:24

"Paxtakor" yoshlar jamoasi U-21 chempionatining 28-turida "Qo'qon-1912"dan ustun kelib (7:1), ushbu ligada 11-bor chempionlikka erishdi.

Bungacha "Paxtakor" 2002, 2003, 2004, 2005, 2006, 2010, 2012, 2018, 2023 va 2024 yillarda U-21 ligasida mavsumni eng yuqori pog'onada yakunlagandi. Bu safar esa 11-chempionlik qo'lga kiritildi. Ushbu ko'rsatkich bo'yicha ham"Paxtakor" rekordchi sanalib, 7 chempionlikka ega "Neftchi" bilan farqni kattalashtirdi.

Mavsumni barqaror o'tkazgan "Paxtakor" yoshlar jamoasi chempionlikni o'zida saqlab qola oldi. Ketma-ket uchinchi yil chempionlik yosh "sherlar"da qoldi.