Mareska: "Uni "Chelsi"da buyuk kelajak kutmoqda"

 9 NOYABR, 2025, 08:42

"Chelsi" bosh murabbiyi Entso Mareska 18 yoshli Estevao Villianning istiqbollari haqida gapirdi.

Yosh braziliyalik futbolchi ikkinchi bo'limda zaxiradan maydonga tushib, "ko'klar"ga "Vulverxempton"ni mag'lub etishga yordam berdi (3:0). Uchrashuv yakunlangach, vinger murabbiyning alohida maqtoviga sazovor bo'ldi.

"Estevao - ajoyib futbolchi. Uning siymosida "Chelsi" keyingi besh-o'n yil uchun top-futbolchiga ega bo'ldi," - deya Mareskaning so'zlarini keltiradi jurnalist Kiran Jill.

London grandi braziliyalik vunderkindni o'tgan yozda "Palmeyras"dan sotib olgan edi.