"PSJ" so'perhujumchi uchun 150 million evro ajratdi

 9 NOYABR, 2025, 08:12

"PSJ" tarkibni kuchaytirish imkoniyatlarini o'rganmoqda. Liga 1 grandi "Galatasaroy" hujumchisi Viktor Osimxen uchun 150 million evro to'lashga tayyor, deya xabar bermoqda Transfer News Live Fichajes nashriga tayanib.

Qayd etilishicha, 26 yoshli Osimxen "Barselona"ga ham qiziq, ammo "PSJ" nigeriyalik uchun kurashda kataloniyaliklarni ortda qoldirishi mumkin.

Viktor Osimxen Chempionlar Ligasining joriy mavsumidagi uchta o'yinda oltita gol urdi. Aynan "Galatasaroy"ning nigeriyalik forvardi UEFA klublari o'rtasidagi asosiy turnirda to'purarlar poygasida peshqadamlik qilmoqda.

Amaldagi shartnoma Osimxenni 2029 yilning yarmigacha "Galatasaroy" bilan bog'lab turadi.