"Chelsi" hujumchisi: "Estevaoning qanchalik iste'dodli ekanligini hamma biladi"

 9 NOYABR, 2025, 07:48

"Chelsi" hujumchisi Joao Pedro "Vulverxempton"ga (3:0) qarshi o'yindan keyin intervyu berdi.

"Besh himoyachiga qarshi o'ynash har doim qiyin. Bugun jarima maydoni ichida faol bo'lishim muhim edi - agar buni to'g'ri bajarsangiz, to'p ertami-kechmi xavfli zonada sizga tegadi.

Estevaoning qanchalik iste'dodli ekanligini hamma biladi. U har doim maydonda o'zini ko'rsatishga intiladi. Uning uchun xursandman, chunki u juda tez moslashdi. Menga kelsak, gol urishdan xursandman, lekin eng muhimi - jamoaga yordam berish," - dedi Joao Pedro Sky Sports’ga bergan intervyusida.

Keyingi turda, 22 noyabr kuni "Chelsi" "Byornli"ga qarshi bahs olib boradi.