"Arsenal" xavbeki: "Pauza bizga foyda keltiradi"

 9 NOYABR, 2025, 02:36

"Arsenal"ning hujumkor yarim himoyachisi Eberechi Eze terma jamoalar o'yinlaridagi pauzalar haqida ijobiy fikrlar bildirdi.

Shanba kuni "Arsenal" safarda "Sanderlend"ni mag'lub eta olmadi - 2:2. Bungacha "kanonirlar" barcha musobaqalarda 10 ta g'alabadan iborat seriya qayd etgan.

"Pauza bizga foyda keltiradi - Premer-ligadan chalg'ib, keyin tetik bo'lib qaytamiz va yana jang qilishga tayyor bo'lamiz. Jarohat olgan futbolchilar qaytgach, biz yanada kuchliroq bo'lamiz," - deya Eze so'zlarini keltirmoqda NBC Sports.