Slot: "Menga "MYu"ga qarshi o'yin "Aston Villa"ga qarshi uchrashuvdan ko'ra ko'proq yoqdi"

 7 NOYABR, 2025, 22:54

"Liverpul" bosh murabbiyi Arne Slot ba'zida uning jamoasi o'yini va natijalari haqidagi taassurotlari turlicha bo'lishini aytdi.

"Menga "Manchester Yunayted"ga qarshi o'yin (1:2 hisobidagi mag'lubiyat) "Aston Villa"ga qarshi o'yindan ko'ra ko'proq yoqdi (2:0 hisobidagi g'alaba). Lekin "Aston Villa"ga qarshi o'yindagi natija ko'proq yoqdi. "Manchester Yunayted"ga qarshi o'yinda biz ko'proq imkoniyatlar yaratdik, chunki biz yutqazayotgandik va ko'proq tavakkal qilishimiz kerak edi. Agar o'yinda g'alaba qozonsangiz, boshqa hech narsa muhim emas. Lekin men vaziyatni biroz muvozanatda saqlashga harakat qilaman", - dedi Slot.

9 noyabr, yakshanba kuni "Liverpul" safarda "Manchester Siti" bilan o'ynaydi.