Turkiyaliklar Messining ijtimoiy tarmoqlardagi sahifalarini "egallashdi" (foto)

 7 NOYABR, 2025, 13:48

Kecha OAVda "Inter Mayami"ning argentinalik superyulduzi Lionel Messining qishda MLS mavsumi yakunlanganidan so'ng sport formasini saqlab qolish maqsadida 4 oyga ijaraga "Galatasaroy" o'tishi mumkinligi haqida xabarlar tarqaldi.

Shundan so'ng turkiyalik muxlislar Messining ijtimoiy tarmoqlardagi sahifalarini "egallashdi": futbolchi va rafiqasining so'nggi postlarida "Galatasaroy" ishqibozlari tomonidan Istanbulga ko'chib o'tishga chaqiruvchi minglab izohlar qoldirilgan.

Shu tariqa, muxlislar "Galatasaroy" "Inter Mayami"ning 38 yoshli hujumchisi qishki tanaffus vaqtida ijaraga olishni istayotgani haqidagi xabarga munosabat bildirmoqda.