Pochettino: "Bu meni juda hayron qoldirdi"

 7 NOYABR, 2025, 13:30

"Tottenxem"ning sobiq bosh murabbiyi Maurisio Pochettino "shporlar"ning sobiq boshqaruv raisi Daniel Levi haqida gapirdi.

"Levining ketishidan juda hayron bo'ldim. Uning merosi hech qaerga ketmaydi. Uning klub uchun qilgan ishlari hayratlanarli. U bilan doim yaxshi munosabatda bo'lganmiz. "Tottenxem"da bo'lganimda ham, ketganimdan keyin ham. U haqiqatan ham muhim inson edi, chunki menga "Tottenxem" kabi klubni boshqarish imkoniyatini berdi. Men uchun bu ajoyib muxlislarga ega dunyodagi eng yaxshi klublardan biri," - deya Pochettinoning so'zlarini keltiradi BBC.

Eslatib o'tamiz, Levi "Tottenxem"da 2001-2025 yillar davomida ishlagan. U bilan birga poytaxt klubi Angliya Liga kubogi va Evropa Ligasida g'olib chiqdi.