"PSJ" "Barselona"ning transfer maqsadini qo'lga kiritishi mumkin

 7 NOYABR, 2025, 07:18

"Kristal Pelas"ning o'ng qanot himoyachisi Daniel Munos "Pari Sen-Jermen" radarlariga tushdi.

Parijliklar Ashraf Hakimiy Chempionlar ligasining so'nggi turida "Bavariya"ga qarshi o'yinda olgan jarohatidan so'ng o'ng qanot himoyasini kuchaytirish ustida bosh qotirishdi. Transfer News Live’ning Fichajes nashriga tayanib xabar berishicha, "PSJ" qishki transferlar oynasida Munos bilan shartnoma imzolash imkoniyatini ko'rib chiqmoqda. 29 yoshli futbolchiga avvalroq "Barselona" da'vogarlik qilgandi.

Transfermarkt talqiniga ko'ra, kolumbiyalik futbolchining narxi 25 mln evroni tashkil etadi. Futbolchining "Kristal Pelas" bilan amaldagi shartnomasi 2028 yilgacha mo'ljallangan bo'lib, uni yana bir yilga uzaytirish imkoniyati mavjud.