Argentinalik mashhur murabbiy yana Premer-ligaga qaytishni rejalashtirmoqda

 6 NOYABR, 2025, 17:48

Maurisio Pochettino hozirda AQSh terma jamoasiga ustozlik qilmoqda va terma jamoani o'z maydonidagi jahon chempionatiga tayyorlamoqda. Kelajakda argentinalik mutaxassis yana Angliya Premer-ligasida ishlashni rejalashtirmoqda. Bu haqda Pochettinoning o'zi gapirib berdi.

"Premer-liga - dunyodagi eng yaxshi liga. Albatta, uni sog'indim. Amerikada juda baxtliman, lekin bir kun kelib Premer-ligaga qaytaman deb o'ylayman. Bu eng raqobatbardosh liga," - dedi Pochettino BBC Sport’ga bergan intervyusida.

Maurisio Pochettino bungacha Angliyada "Sautgempton", "Tottenxem" va "Chelsi" klublariga ustozlik qilgan. Argentinalik murabbiy AQSh terma jamoasini 2024 yilning kuzida qabul qilib oldi.