Yamal Chempionlar Ligasidagi golidan so'ng o'zini Messi bilan taqqoslashlardan bosh tortdi

 6 NOYABR, 2025, 08:54

18 yoshli Lamin Yamal Chempionlar ligasi doirasida "Bryugge"ga qarshi o'yinda gol urdi, ammo "Barselona"ga g'alaba qozonishda (3:3) yordam bera olmadi.

Ispaniyalik vinger 61-daqiqada darvozani ishg'ol qilib, tabloda 2:2 hisobini o'rnatdi. Ko'p o'tmay maydon egalari yana hisobda oldinga chiqib olishdi, 77-daqiqada esa "ko'k-anorranglilar" mag'lubiyatdan qutulib qolishdi - avtogol yordam berdi.

- Goling bilan yana Messini eslatding, - dedi jurnalist Yamalga o'yindan keyingi intervyusida.

- Yo'q, yo'q, Leo bunday gollardan mingtasini urgan, men o'zimni u bilan taqqoslay olmayman. Men shunchaki o'z yo'limdan borishga va o'z ustimda ishlashga harakat qilyapman," - deya Laminning javobini keltiradi ispan OAV.

"Barselona"ning yosh yulduzi joriy mavsumda o'nta bahsda beshta gol va shuncha golli uzatmani amalga oshirdi.