Shevchenko Polsha terma jamoasini boshqarishi mumkin

 13 DEKABR, 2022, 11:58

Ukraina terma jamoasining sobiq bosh murabbiyi Andrey Shevchenko Polsha terma jamoasini boshqarishi mumkin, deb xabar bermoqda Przegląd Sportowy nashri.

Polsha futbol ittifoqi prezidenti Tsezariy Kulesha Yaponiyada ishlayotgan murabbiy Matstsey Skorjo bilan bog'langan, biroq u rad javobini bergan. Shuningdek, federatsiya ro'yxatida Shevchenkodan tashqari taniqli xorijlik mutaxassis bor, lekin uning nomi oshkor etilmagan.

Polsha termasining amaldagi bosh murabbiyi Cheslav Mixnevich ham o'z lavozimini saqlab qolishi mumkin. Oldingi kelishuvlarga ko'ra, Kulesha taqvim yilidagi so'nggi terma jamoa o'yinidan roppa-rosa bir hafta o'tgach, Mixnevichni o'z lavozimida qoldirish yoki qoldirishini aniqlashi kerak edi.

Shevchenko Ukraina termasi bilan JCh-2018ga chiqa olmadi, lekin Evro-2020 yo'llanmasini qo'lga kiritdi, 1/4 finalda Ukraina Angliyaga yutqazib musobaqani tark etgandi.

4 dekabr kuni Polsha terma jamoasi JCh-2022 1/8 finalida Frantsiya termasiga yutqazdi (1:3) va jahon chempionatini tark etdi.