Zanetti: "Lautaro o'yin taqdirini o'zgartira oladigan futbolchi"

 13 DEKABR, 2022, 11:35

"Inter"ning sobiq himoyachisi Xaver Zanetti Argentina terma jamoasining Niderlandiya bilan 1/4 final uchrashuvidagi o'yini haqida fikr bildirdi.

"Shubhasiz, Lautaro o'yin natijalarini hal qiladigan futbolchi. Bu g'alaba bizga ko'proq kerak edi shekilli. U eng qiyin paytni boshdan kechirdi, chunki bu penalti katta ahamiyatga ega edi. Martines buni tushunib etdi, chunki Lautaro juda kuchli xarakterga ega katta futbolchi, u eng kerakli paytda maydonga tushadi.

Lekin gap faqat u haqida emas, butun Lionel Skaloni jamoasi chinakam ahil jamoa va bunday e'tiborli jamoaning tabiiy ravishda yarim finalgacha etib borishi mantiqan to'g'ri.

Lionel Messining etakchiligini alohida ta'kidlab o'taman - u nafaqat bu chempionatda o'z saviyasini ko'rsatayotgan ajoyib o'yinchi, balki yoshlarimizga ham ko'p narsani etkazadi.

Argentina kabi jamoaning bir qismi bo'lganingizda, butun mamlakat siz bilan bir xil orzuni baham ko'rishini bilasiz. Siz bu yigitlarga ishonishingiz kerak - ular qo'lidan kelgan barcha ishni qilishyapti va JCh g'olibligi uchun ikkita o'yin qoldi", - dedi Zanetti El Grafico bilan suhbatda.

Eslatib o'tamiz, Argentina penaltilar seriyasida Niderlandiyani mag'lub etgandi. Uchrashuvning asosiy vaqti 2:2 hisobida durang bilan yakunlandi.