"Milan" yana yilni foyda bilan yakunlaganini e'lon qildi

 6 NOYABR, 2025, 02:18

"Milan" rekord darajadagi moliyaviy natijalarni e'lon qildi.

Bugungi aktsiyadorlar yig'ilishida 2025 yil 30 iyunda yakunlangan o'tgan moliya yili bo'yicha hisobot taqdim etildi.

"Zamonaviy tarixda" birinchi marta klub ketma-ket uch mavsumda foyda ko'rdi. Bu safar u 3 mln evroni tashkil etdi. Bundan tashqari, "rossonerilar" ketma-ket uchinchi marta rekord darajadagi daromadga ega bo'lishdi: o'tgan yilga nisbatan summa 10 foizga oshdi va 494,5 mln evroni tashkil etdi.

Tijorat daromadlari 6 foizga (152,3 milliongacha), o'yinchilar huquqlarini boshqarishdan tushgan daromadlar 30,6 foizga oshdi.

Shu bilan birga, sof moliyaviy qarz 43 million evroga oshdi - u 92,6 million evroga etdi.