Luis Suares diskvalifikatsiya qilindi. U "Inter Mayami"ning juda muhim o'yinida ishtirok etmaydi

 5 NOYABR, 2025, 23:42

"Inter Mayami" hujumchisi Luis Suares MLS 1-bosqich pley-off bosqichining "Neshvill"ga qarshi hal qiluvchi uchinchi o'yinini o'tkazib yuboradi. Tegishli qaror MLS intizom qo'mitasi tomonidan qabul qilindi, deb yozadi The Athletic. Suares jamoalar o'rtasidagi ikkinchi o'yinning 71-daqiqasida sodir bo'lgan voqea uchun diskvalifikatsiya qilindi.

Suares o'shanda raqibiga oyog'i bilan zarba bergan, biroq jazosiz qolgandi. Tartib-intizom qo'mitasi urugvaylik qizil kartochka olishi kerak edi, deb hisobladi. "Inter Mayami"ning apellyatsiyasi qanoatlantirilmadi.

Seriyaning 3-turidan o'rin olgan "Inter Mayami" - "Neshvill" uchrashuvi 9 noyabr tongida bo'lib o'tadi.