Sakaning "Arsenal"da oladigan yangi maoshi ma'lum bo'ldi

 5 NOYABR, 2025, 23:36

Londonning "Arsenal" klubi etakchilardan biri - vinger Bukayo Saka bilan shartnomani uzaytirish bo'yicha og'zaki kelishuvga erishdi. Transfer News Live nashrining taniqli jurnalist Sasha Tavoleriga tayanib xabar berishicha, Sakaning yangi mehnat shartnomasi bo'yicha yillik maoshi taxminan 12,5 million funtni tashkil qiladi. Evroga o'tkazilganda, joriy kurs bo'yicha taxminan 14,2 million bo'ladi.

Bukayo Saka "Arsenal" safida 276 ta rasmiy o'yin o'tkazib, 75 ta gol va 71 ta golli uzatmani o'z hisobiga yozdirib qo'ygan.

"Arsenal" keyingi o'yinini 8 noyabr, shanba kuni Premer-liga doirasida safarda "Sanderlend"ga qarshi o'tkazadi.