"Chelsi" va "MYu" Dyumfris uchun kurashadi

 13 DEKABR, 2022, 08:31

Nikolo Skiraning xabariga ko'ra, “Inter” himoyachisi Denzel Dyumfris faoliyatini Angliyada davom ettirishi mumkin.

Manbaga ko'ra, 26 yoshli niderlandiyalik futbolchiga "Chelsi" va "Manchester Yunayted" da'vogarlik qilmoqda. Milan klubi futbolchi uchun 50 million evro olmoqchi.

Dyumfries joriy mavsumda "Inter" safida barcha turnirlar doirasida 20 ta o'yinda maydonga tushib, 2 ta gol urdi va 3 ta golli uzatmani amalga oshirdi. Transfermarkt portali futbolchining narxini 28 million evroga baholamoqda.

U Niderlandiya terma jamoasi safida JCh-2022da beshta o'yinda maydonga tushib, 1 ta gol urdi va 2 ta golli uzatmani amalga oshirdi.