Ronaldu yana bir ko'rsatkichda Messiga etib oldi

 27 DEKABR, 2023, 12:24

Krishtianu Ronaldu faoliyatidagi dubllar soni bo'yicha Lionel Messiga tenglashdi.

Kecha “An-Nasr” hujumchisi Saudiya Arabistoni chempionatining 17-turidan o'rin olgan “Al-Ittihod”ga qarshi o'yinda (5:2) penaltidan ikkita gol urdi. Bu uning faoliyatidagi 157-dubl.

Ikkita gol urgan o'yinlar soni bo'yicha Ronaldu Lionel Messi bilan tenglashdi, ikkalasida 157 tadan o'yin. Biroq bu ko'rsatkichga erishish uchun argentinalikka kamroq o'yin kerak bo'lgan: u faoliyatidagi 15% o'yinda dubl qayd etgan, Ronaldu esa 13,1%.

Ikki yoki undan ortiq gol urilgan o'yinlar soni bo'yicha Ronaldu Messidan oldinda - 220 (o'tkazilgan o'yinlarning 18,3%) va 214 (o'tkazilgan o'yinlarning 20,4%).